Friday, August 2, 2019

Bhagvan ki mithi recipe - Rasgulla

Hello friends,
      Main hoon fbt, to aaj hum janenge mithe mithe rasgulle ke bare me. Rasgulla to hum sabhi ko pata hai. India me se kuchh percents hi log honge jinhone iss sweet recipe ko chakha nahi hoga.
      To aaiye jante hain in pyare pyare rasgullon ke bare mein.
Chaasani mein dube huye safed rui jaise ekdum naram, mulayam aise gol gol gole..... Inhe dekhte hi muh main pani aane lagta hai.. jaise hi rasgulle ko apni ungaluyon se pakadte hain aur sugar syrup ko girate girate aise bachate huye muh me dalte hain wo aise muh me ghul jata hai to pata bhi nahi chalta hai..
      Rasgullon ko banaya jata hai paneer se jo milta hai doodh ko fata ke..
Rasgulla banane me bhi simple hai bas paneer lena hai aur usme thoda sa sooji aur maida mila ke masalna hai..fir gulabjamun ki tarah small small gole banane padte hain..usake bad sidha ubalti hui chaasani main dalo ya fir pahle sirf pani main ubal lo fir chaasani main rakho soak karne ke liye..lijiye taiyyar huye humare manpasand rasgulley..

       Rasgulle ke bare main jo facts hain unme sabse pahle aata hai rasgulle ka janam kaise aur kahan pe hua..waise to rasgulle ko Bangal ka hi mante aaye hain par Pashchim Bengal ne rasgulle ke GI tag ke liye Chennai ke GI office main September 2015 ko mang ki thi, fir bhi Odisha bhi bich main aaya unhone bhi apni rasgulle ki aitihasik jankari de di. Par rasgulle ki race me Pashchim Bangal hi jeet gaya..
       Bangal ke jo halvai the Mr. Navinchandra Das unhone saal 1868 main yeh mithai sabse pahle banayi thi..yeh mithai to halki hoti hoti hai aur mava daal kar bhi banai jati hai to isiliye ye desh bhar me pasand ki jati hai..
bangal main to ye Raushogulla, Rasgole, Chhene ke Rasgulle, Bangali Rasgulla aise namon se jana jata hai.. Sivay ise dharmik mahattv bhi prapt hua hai to aur Odisha me to "Rasgulla Din" bhi manaya jata hai hai na interesting baat.. Rasgulle ko foreign countries main Hindustani mithai aisi lokpriyata mili hai yeh India ke liye proud vali baat hai..
Interesting fact yeh hai ki hindu puranon main aisi katha kahi jati hai ki, humare bhagvan Jagannath ji wo ek din rath yatra ke liye nikalte hain Lakshmi ji ko batate nahin hai..to jab wo rath yatra se laut ke aate hain tab Lakshmi ji unhe ruthi hui najar aati hain kyunki bhagvan ji unko sath leke nahin gaye the. To fir gusse se unhone jay vijay dvar band kar liya. Vahan pe bhagvan ji pareshan Lakshmi ji ko kaise manaye.. Fir kuchh der baad bhagvan ji ruthi hui Devi ke liye rasgulle lekar aate hain. Wo mithe mithe pyare rasgulle kha kar Devi apna gussa bhul jati hain..to tab se Lakshmi ji ko rasgullon ka bhog lagaya jata hai.

         Ab hum chalte hain Kolkata city me....yahan pe rahati hain Swati Saraf ji....Swati ji ne apne innovation se aur bahot mehnat se rasgullon me bahot sare flvours add kiye hain. Unhone ab tak 300 se jyada flavours launch kiye hain.
Swati ji ko itane flavours of rasgullas banane ka idea aya kahan se aayiye jante hain..... Bajar me to tradionally banane vale rasgullas available hain magar diet conscious log unhe khane me thoda hichkichate hain aur diabetic patients ko to sweet dishes se dur hi rehna lagta hai to Swati ji ne isi baat se inspire ho ke rasgulla banane ki than li.
Is kaam me unki family ne bhi unko bahot support kiya aur wo din me 2 se 3000 tak rasgulle banati hain.

Swati's Flavours of Rasgullas ki khasiyat - 
1. Organic
2. No added artificial flavours
3. No added artificial colours
4. No added preservatives
5. More than 300 varieties of rasgullas


Yahan hum dekhenge unke kuchh mouth watering rasgullas 😋


Chocolate rasgullas

Strawberry rasgulla

Various flavoured rasgullas

Green chilli rasgulla

Rose rasgulla

Kesar rasgulla

Pudina rasgulla

Water melon rasgulla

Black current rasgulla

Green chilli rasgulla
          
          Doston aa gaya na munh me pani....bade kamaal ke hain ye rasgulle khane me bhi aur dekhne me bhi....
          To aap konsa khana pasand karenge 
Badam rasgulla, Badam pista rasgulla, Mirch rasgulla, Litchi rasgulla, Kesar rasgulla, Laung rasgulla, Dalchini rasgulla, Chocolate rasgulla, Thandai rasgulla, Kala khatta rasgulla, Kiwi rasgulla, Pan rasgulla, Dhaniya rasgulla, Alphonso rasgulla, etc..bap re bap ye list to khatam hone vali nahin hai..
         To doston aap bhi jaiye Kolakata me aur maja lijiye rasgullon ka...😊


EmoticonEmoticon